Page 106 - ebook.msu.ac.th

๙๕

ทั้งชาวเมือง ซู่คนมวลพร้อม

เมื่อนั้น ไม้ฮ้อยกอฮ้อยต้น ก้มขาบบาทา

บาก็ยอตีนมือ ใส่หัวลาเจ้า
ท้าวก็โสกีเศร้า โทเรกั้นเกื่อน

พรากเพื่อนพ้อง สองเจ้าด่วนคืน

เมื่อนั้น ไม้ฮ้อยกอฮ้อยต้น พาหมู่พลคืน
เสินๆคับ คั่งทางลีล้าย

เขาก็ไหลพลเข้า เมืองขวางเลยฮอด
ท้าวก็ขึ้นสู่ห้อง คะนิงโอ้อ่าวเถิง แท้แล้ว

พระบาทเจ้า เสวยราชเมืองขวาง
นางค้ากอง อยู่เผือแฝงข้าง

สองสนุกสร้าง เมืองขวางทะรงแท่น

ฝูงไพร่ฟ้า มาน้อมซื่นซม แท้แล้ว
เขาก็ยินดีตั้ง บาคานทงราช

ไม้ฮ้อยกอฮ้อยต้น คองสร้างสืบเมือง

ยินสนุกม่วนแม้ง ตกแต่งเมืองขวาง
ท้าวไปส่งสองบาบุญ ต่าวคืนเมืองกว้าง

ค้ากองแก้ว นางงามเทียมพ่าง
ยินสืบสร้าง เมืองบ้านให้ฮุ่งเฮือง แท้แล้ว

คัชชนามเข้าป่าพงไพร

๏บัดนี้ จักกล่าวเถิงพระบาทเจ้า เสด็จจากเมืองขวาง

ฝูงชาวเมือง เลิกลาเมือบ้าน
บาเซายั้ง อาฮามขวางท่งใหญ่

ยังท่อ ท้าวแก่เกวียนฮ้อยเหล้ม บ่มีต้านหง่วมเหงา แท้แล้ว

มันคึดเถิงไม้ฮ้อยกอฮ้อยต้น เสี่ยวราชภายหลัง
หลายวันคืน บ่ลืมคะนิงฮู้

เมื่อนั้น สองแจ่มเจ้า เสด็จจากอาฮามขวง
พระก็บายศรีคันไซย์ ค่อยลีลาย้าย

บาก็คอนค้าท้าว ไปตามตีนราช
ชาติที่แนวพ่อค้า น้าก้นบ่วาง

เจ้าก็ขว้ามท่งกว้าง เมืองใหญ่นาหลวง