Page 153 - ebook.msu.ac.th

๑๔๒

เมื่อนั้น เสตะราชเจ้า ลงกอดซมเอา

บาก็เมือสถานทอง นั่งเทียมทันเหง้า

พระก็พาทีต้าน จารจาซมซื่น
บุพพิตราชเจ้า แพงล้านเกิ่งใจ

พระก็โลมลูบท้าว ภูวนาถเลยจา

พ่อจักเวนนางแพง ลูกเฮาวางให้
ทั้งเมืองไว้ บาบุญยู้แต่ง จิงแล้ว

พ่อขอถวายแก่เจ้า อยู่สร้างสืบเมือง พ่อแล้ว
เมื่อนั้น แพ่งๆหน้า ท้าวหนุ่มเลยจา

ขอแก่บุญเฮืองพระ แต่นางคานแก้ว
อันว่า เมืองหลวงไว้ ภูธรปูแต่ง จิงเทอญ

ข้าน้อย ขอแก่นแก้ว นางน้อยเพื่อนเพา พระเอย

เมื่อนั้น เสตะราชเจ้า พญาใหญ่เลยจา
พ่อก็วางเมืองถวาย แก่บาไทท้าว

พอยเล่ามาขอห้าม นีรมนต์เฮาพ่อ สันนี้

ท้าวก็มาประโยชน์ด้วย นางแก้วพ่อบ่ขีน เจ้าเอย
เมื่อนั้น เสตะราชท้าว เตินหมู่เสนา

เฮาบ่ขีนใจบา มอบนางนงน้อย
สูก็อย่านานห้าง งัวควายช้างถ่าว

เป็ดห่านพร้อม ฝูงแบ้ไก่เยือง
เฮาจักปูนปูกท้าว ทั้งอ่อนปทุมา

กูจักเอาสองศรี ปูกปุนบาท้าว

เทียมดอมน้อย เวียงอ่อนปทุมา
แปงกินดอง แต่งดีสองเจ้า

ให้เขาเดาดาพร้อม มวลมาทุกหมู่

จักยอคู่สองแก่นแก้ว เหนือพื้นโสรจสรง
แล้วเล่าขึ้นสู่ห้อง ทงแท่นเวียงพญา

นางงามเมือง แทบบางามแย้ม
เหมือนดั่งสุชาดาไท้ ดาวะดิงส์เมืองมิ่ง ภายพุ้น

แฝงบาทไท้ พระอินทร์เจ้านั่งเฮียง หั้นแล้ว