Page 293 - ebook.msu.ac.th

๒๘๒

น้องขอถามข่าวแก้ว ปทุมาเสวยราช ที่พุ้น

ได้ทงผาสาทกว้าง เหลืองเหลื้อมพอกค้า

อย่าลืมเฮือนมุงหญ้า ฝาแวงลีกไม้ไผ่
พี่ไปได้ใหม่ซ้อน อย่าลืมน้องผู่อยู่พอย แท้เนอ

ได้กินต่อนซิ้น กวางมั่งภาเสวย

อย่าได้ลืมแกงปา แก่วบองผักต้ม
ได้นอนเตียงเม็งแก้ว อย่าลืมเฮือนตองตูบ พี่เอย

อย่าได้ลืมสาดเหี้ยน กางบ้านเพื่อนให้ทาน
น้องขอเชิญตนอ้าย คืนมาเสวยราช

เชิญพระเจ้าติ่วซ้อย มาพี้เพื่อเฮียม แด่ท้อน
พอได้มาแต่งห้อง ผาสาทเสาเดียว

บ่ห่อนมีเสาสอง ดั่งเมืองภายพุ้น

ขอให้เป็นเดียวแท้ ตนเฮียมหวังเพิ่ง
ประสงค์ทอบกระดูกเนื้อ ให้เป็นเผิ้งแผ่นเดียว

น้องขอแปงเตาเบ้า ให้เป็นทองหลอมหล่อ พี่เอย

ให้เป็นสังวาลและม้าว ทงเฮ้หากค่องงาม พี่เอย
๏ไปดีเยอ เจ้าผู่ยอดซ่อเป้ง ก้านก่องเสนหา พี่เอย

ให้คะนิงทางหลัง อย่าลืมตนน้อง
เชิญพระคืนมาห้อง เสวยเมืองตุ้มไพร่

เจ้าอย่าคึดพุ้นพี้ คะนิงน้องพรากพอย แด่ท้อน
เจียมปางพระ ด่วนมาน้าท้าว

พอให้สามนางได้ เห็นกันเมืองลุ่ม

แฝงฝ่ายข้าง จอมเจ้านั่งเทียม
เมืองลุ่มนั้น สหายเสี่ยวคะนิงหา ว่าเนอ

ขอให้ปรานีฮัก ดั่งเดียวกันนี้

อันหนึ่ง น้องขอถามข่าวเสตะราชท้าว บัพพาวัณแวนมาก จิงท้อน
บัดนี้ ค้าลูกไหว้ สองเจ้าหมื่นที ว่าเนอ

ลูกยังคะนิงฮ่้าต้าน เถิงอ่อนปทุมา
เหมือนดั่งอุทรเดียว แห่งศรีสองเจ้า

ขอพระปรานีแก้ว สองนางน้อยนาถ ปางนี้
พอให้ได้ฮ่วมห้อง ดอมเจ้าแก่นสาร นั้นท้อน

แต่นั้น พระก็บายมือแก้ว สองศรีปุนสั่ง