Page 521 - ebook.msu.ac.th

๕๑๐

กุฏโฏผาย เผ่นเสียงสูรย์ต้อง

พระก็ผายเชิงผ้า แยงหอสรงโสรจ
แสงส่องฟ้า เฮืองแจ้งชั่วงาย นั้นแล้ว
เมื่อนั้น เป็งจาลราชเจ้า เสวยโภชเลยวาง

ดีท่อเสนาหลาย แห่แหนหุมเจ้า
สามนางล้อม แหนองค์พระราช
นางหนุ่มเหน้า หลายตื้อคั่งโฮง
เมื่อนั้น ผู่ใสท้าว พระบาทสามกษัตริย์
พระก็ เมือโฮงหลวง ขาบทูลทันเหง้า

เมื่อนั้น พระกษัตริย์เจ้า สาขาพระบาท
พระกล่าวต้าน ลาเจ้าสั่งเมือ
ข้าน้อยจักลาบาท ยั้งขม่อมทั้งสอง ก่อนแล้ว

เหนือหัวพระ อยู่ยืนยาวหมั้น
นับแต่ ลาหนห้อง เมืองขวางหกขวบ ปีแล้ว
ขอให้สองแก่นไท้ สะเถียรหมั้นหมื่นปี แด่ท้อน
ค้อมว่า เจ้ากล่าวแล้ว พระราชเลยจา

ขอบที่ สองราชา ตอบคุณดีแล้ว
นับแต่ เฮาฮามท้าว สองพญาเกล้าขวบ ปีแล้ว
๏บัดนี้ อายุนางยอดแก้ว ซาวห้าขวบกัน
ถามข่าวศรีสะอาดแก้ว นางนาถค้ากม อดเนอ

ถามข่าวสองทันย้า พระยอดเมืองพอล้าน
พระก็ ผายค้าต้าน คองเมืองสอนสั่ง
ท้าวแปะบาทสองแก่นไท้ แพงล้านใส่หัว
ยั่งๆหน้า ต้านสั่งสองพญา

ดีท่อหนัวๆสาม สั่งกันดูแม้ง
พญาก็ผายค้าต้าน สามนางแล้วสั่ง
สามแก่นไท้ แพงล้านส่งพร

ค้อมว่า เจ้าสั่งแล้ว ปะนมนอบเลยลา
ภูธรทงคุณเมือง ข่มพลเมือบ้าน
เมื่อนั้น ราชาเจ้า คัชชนามตนประเสริฐ
พระก็ลา แม่เจ้าติ่วซ้อย แพงล้านชอบคดี
ค่อยอยู่ดีเยอ ประเสริฐเนื้อ จอมราชมารดา กูเอย

เจ้าจงเสวยกาสี อยู่ยืนยาวหมั้น
ทงพลตั้ง คองเมืองให้เฮืองฮุ่ง
ตุ้มไพร่ฟ้า เมืองกว้างให้อยู่เย็น นั้นท้อน

ราชินีเจ้า หอโฮงคองนั่ง
แสนจะล้าบากแค้น จอมเจ้าให้หมั่นเพียร