Page 523 - ebook.msu.ac.th

๕๑๒

เขาก็ตีกลองแก้ว สะบูไชย์เค็งคื่น

เสียงเสพเจ้าลุ่มฟ้า ดังเท้าทั่วพล
สาวสนมหนุ่มน้อย ขึ้นสู่พวงค้า
ทมๆสองราชา ขวี่พายแทนเจ้า

สองก็หลิงแลห้อง หอค้าพระแม่
แสงส่องฟ้า ทะลังเหลื้อมก่องศรี
มาบๆเหลื้อม ผาสาทมุงมะณี
ทั้งใบศรี หมากกะดิงดังก้อง
มองเหลืองเหลื้อม แดงเขียวขาวก่าน

สุขสวรรค์ถ่องฟ้า มองแล้วซื่นซม
ดีท่อพลแหนกุ้ม ไหลออกกาสี
ฮมๆเถิง ท่งนาเซียงล้าน

หลิงดูกินนรีเหลื้อม ไหลหลื่มอากาศ
ทั้งสี่ด้าน ทะลังฟ้ามืดมัว
พระเสด็จยาตย้าย กายเขตกาสี
พลแพนไหล หลั่งนองคือน้้า

ปฐพีพื้น จิมกันดาปวก
ไหลหลั่งย้าย นองล้นคั่งทาง
หลายวันผ้าย พระคีรีฮาวเถื่อน
จิงไปเถิงประเทศด้าว เมืองกว้างที่สรวง

พลล่วงท้าว สารจอดคาวเซา แลเยอ
พระก็ยวงพลสาร จอดเซาทันหั้น
๏เมื่อนั้น ราชาเจ้า เมืองสรวงยัวรยาต
พระก็ อว้านไพร่ฟ้า มวลเข้าสู่เวียง

เสด็จล่วงเท้า ผาสาทเลยเซา
แยงค้ากม ยอดเมืองซมซ้อน
พระก็เตินเขาข้า งัวควายช้างถ่าว

เขาเลือกซ้อม ไปต้อนพระยอดเมือง
พระก็เมือข่าวเจ้า ปุนมอบของควร
เตินขุนปงอาหาร ซู่พญาปะสงค์เลี้ยง
เมื่อนั้น ภูบาลท้าว ลาเทียมพระบาท
พระก็ เลยกล่าวเกี้ยง สอนท้าวซู่คอง

จงให้แปงเมืองบ้าน ถามขุนมวลไพร่
ทสพิธราชล้้า คองส้างชอบธรรม
ศีลทานสร้าง บารมีผายแผ่

ตุ้มไพร่ฟ้า เมืองบ้านให้อยู่เย็น
ศีลห้าตั้ง ให้เจ้าแต่งตามธรรม